×

Status message

Do something on load!

1975ʼ ВО. ДЕКАБР
Тупкысис лымйӧн став муыс. Веж сӧстӧм лымйӧн кӧ — мед! Сьӧлӧмсянь лымйыслы шуа: Кыпыдлун миянлы сет! Медым оз жугыльтчы сьӧлӧм, Бур шуда доддьӧ тэ сӧлӧд, Юсь гӧн кодь туй вывті тӧлӧд — Медым оз жугыльтчы сьӧлӧм! Му вылыс узьӧ нин лӧня, Ставыс со гӧгӧр дзик чӧв... Бур вӧлӧй, рӧдты тэ, гӧнит!.. Эз на мудз воронӧй вӧв! Чой паныд кытчӧ тэ каян? Катӧдан менӧ тэ райӧ? Ог шогсьы — лоӧ кӧ тайӧ... Чой паныд кытчӧ тэ каян? Вӧланӧй, лым вывті гургы! Мичлунсӧ сявкйӧ мем лым. Додь улын сьыланкыв юргӧ. Сьӧлӧмлӧн тіпкӧмыс пым. Ӧтитор кора ме, вӧлӧй; Кылас мед муслунлысь гӧлӧс Мувывса меддона сьӧлӧм — Ӧтитор кора ме, вӧлӧй. Шебрасис лымйӧн став муыс... Веж сӧстӧм лымйӧн кӧ — мед! Сьӧлӧмсянь лымйыслы шуа: Миянлы шудлун тэ сет! Доддяс ӧд пукалам кыкӧн. Сьӧлӧмным оз тыр мед зыкӧн, Муслунсӧ некод оз тшыкӧд — Тшем орччӧн пуксим ми кыкӧн. Выль во нин воас со регыд. Донаӧй, сиа бур шуд! Шуньгам ми, сьӧлӧмшӧр, тэкӧд — Менӧ тэ топыда кут!
Гижысь: 
Гижӧд
1975ʼ во. Декабр
Жанр: 

lkejrlkelkrgner klrjnelknfrkl ekjnrjkenfrej