АСЫВВОДЗ
Асъя сынӧдысь керкаын сьӧкыд. Плавга пасьшойӧс, ывлаӧ пета. Кыа — зарниӧн садитӧм шӧкӧн. Ӧтка кымӧртор тӧвруыс летӧ. Чипас-тэчассӧ саймовтліс руӧн: Эзысь чаг вежліс куимысь рӧмсӧ. Ывла, вӧлӧмкӧ, олӧмӧн пуӧ, Пытшкӧс югӧрӧн гусьӧник рӧмзьӧ. Мыйла водзын ме тайӧс эг казяв? Ӧні кыла быд турунлысь ловшы. Кыла — дзоридзыс коръяссӧ разьӧ, Аддза — кор вывсьыс лысва войт вошӧ. Льӧм пу лӧзалӧ енэжлӧн отын. Пышкай вӧрзьӧдіс лӧзалысь вожсӧ. Он тай гачтӧгыд воддза моз котӧрт Сійӧс повзьӧдны... Тривкнитіс-вошис... Ведра гольмуніс. Никӧстіс понпи, Петіс пос улысь нюлыштны киӧс. Майбыр, олӧмӧй! Чайтлі, тэ помтӧм, А тэ чой горув зэлӧдін сийӧс.
Гижысь: 
Гижӧд
Асывводз
Жанр: 
Гижан кад: 

lkejrlkelkrgner klrjnelknfrkl ekjnrjkenfrej