ГУСЬӦН ПУРЫСЬЯСЛЫ
(Комизация сералысьяслы)
Мый пӧ ми керам? — Гӧль йӧзӧс ловзьӧдам! Мед, гӧгӧр кӧ серам... Гашкӧ серамнад миянӧс повзьӧдан?! Повзьӧм оз ло. Мед ми дасӧн кӧ ӧні... Коли кӧкъямыс во. Вӧлід ті сюрсӧнӧсь!.. Ӧні кӧнӧсь? Онӧй узьӧй — Пуранныд гусьӧн! Кӧть сэсся кодъяс ми — Коми кыв ловзяс, Оз кув. Весьшӧрӧ кодъясны Ті вок коддьӧмыс Комилы гу. Оз повзьы — Ловзяс! Юалад — кодъяс пӧ ми? А кодъяс нӧ ті, Сё муса другъяс, Зӧлӧтӧй тугъяс? Кодъяс нӧ ті? Ті — коми кыв виысьяс, Сылы дженьыд нэм сиысьяс. Ті — Важ йӧзлӧн пи, Роч сарлӧн кӧйдыс. Тіянӧс нӧйтысь Кодкӧ да лоас, Кодкӧ да воас... Нӧйтысьыс — ми. Артмас бикиньысь би, Бисяньыс пӧжар... Коді кыссьӧ бӧжас, Кеж, Пеж! Сотас. Кодӧс? — Тіянӧс, коми кыв виысьӧс, Сылы дженьыд нэм сиысьӧс. Сэк сераланінӧ Уна йӧз дінӧ Сувтӧдӧм сюръя, Тувъялам пӧв, Пӧв вылас тіянлысь нимъястӧ (Тайӧ, шуа ме, имитас!) Гижам... Сё пӧв! Ми жӧ Гижам Сьӧд вылӧ вижӧн: «Тайӧяс ставӧн Коми кыв пӧдтісны явӧ. Этйӧяс вӧліны сюсьӧсь Пӧдтісны гусьӧн. Ӧні ӧтвылысь ставӧн Мӧйму да таво Пӧдісны асьныс». Сьӧкыд вӧлӧма пасьныс. Сералӧ касьныс. Комиӧдчысь, тувччав! Эн конъясь! Мед увтчӧ кӧ Понйыс. Мусинмыс бур — васӧд. Мед, ми кӧ дасӧн... Выль кӧйдыс кӧдзам. Гӧрд знамя вылын Лозунгным со миян: «Комилы комиӧн Выль олӧм вӧчам». Комиӧдчысь, тувччав! Эн конъясь! Ме увтчӧ кӧ Понйыс.
Гижысь: 
Гижӧд
Гусьӧн пурысьяслы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1