БРАТАНЪЯС
Фронт вылӧ муніс нёль братан, Граница дорысь зырны врагӧс. Ме, витӧд, коли гортын, тан, Вӧр вӧчны Коми парма ягын. Ми дінысь збойлунным оз мун, Ми весьтын енэжыс оз сальмы. Фашистлы шуда Сӧвет му Не тальны некор дзик, не тальны! Фашистскӧй кӧин чегас пинь, Вель чорыд, ён сӧветскӧй кӧрыш. И, кытчӧдз спесьлуныс эз чин, Мед видлӧ, кутшӧм сылӧн кӧрыс. Оз жалит сетны ассьыс лов Братанъяс пиысь косьын некод. Ас му фашистскӧйӧн оз ло, И рабъясӧн ог лоӧй некор! Пеж врагкӧд бойӧ Сталин ёрт Тшӧтш мунны корис менӧ талун. Стена моз кыпӧдчис народ — Великӧй муысь став братанъяс. И мынтысяс сэк подлӧй гад Да панялас, мый ачыс пуис... Зэв матын, матын сійӧ кад, Кор сійӧс нырыштам кок улын.
Гижӧд
Братанъяс
Жанр: 
Гижан кад: 

lkejrlkelkrgner klrjnelknfrkl ekjnrjkenfrej