ВЫЛЬЛАНЬӦ ЧУКСАЛЫСЬ ШЫ
Туйыслы ордымсӧ некод эз писькӧдлы, Некод эз шыльӧдлы гуран ни мыльк, Шыбӧльяс, чукыльяс некод эз веськӧдлы, Изйӧн да галькиӧн туйсӧ эз вольсавлы, Кӧртӧн ни укладӧн некод эз гольсъясьлы — Ачыс тай, майбырӧй, артмӧма, — шыльк! Абу сэн некутшӧм пас. Туй вожыс быдлаӧ дась. Оз рӧдтыв туйӧдыс вӧв, Паровоз сэті оз зымӧд, Шуръялӧ лэбач да гуляйтӧ тӧв, — Туй тайӧ — сынӧд. Миянӧ, пармаӧ, сынӧд туй воссьӧма, Лэбавны пондас тан аэроплан. Вӧр-васӧ шызьӧдас, войтырӧс босьтчӧдас, Комилысь мукӧдкӧд йитӧдсӧ чорзьӧдас, Олӧмсӧ водзӧлань ёнджыка вӧрзьӧдас, — Регыдӧн вежсяс став Коми му бан. Лунчӧжся туй пыдди — час! Сідзи жӧ мед ӧддзӧдчас Выль олӧм стрӧитан удж! Сынӧдын юргӧ выль жургӧм. Коми морт, удж вылӧ сойястӧ пудж, Восьлав жӧ чатӧра юрӧн!
Гижӧд
Выльланьӧ чуксалысь шы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej