ВНУКЛЫ — КОМИ ПИОНЕРЛЫ
Биа пӧсь чолӧм, дас арӧса внукӧй! Талун тэд чужан лун, том пионер! Ӧзъялан нимкодьлун сьӧлӧмӧ тшукӧ, Чужӧмӧ петкӧдчӧ нюмъялан сер. Важӧн ми тэ кодьнас олӧм эг тӧдлӧ — Ыждавліс стражник, урадник да поп; Ӧні тэ ачыд нин быд лёксӧ вӧтлан, — Школаын, гортын и, быд уджын — гоп! Комиӧн сьылӧмысь важ моз оз кутны, Коми кыв шуӧмысь некод оз нер. Со кутшӧм кадӧ ӧд быдман тэ, внукӧй! Гордӧя новлӧдлан ним — пионер. Выль олӧм тӧдмавны ветлӧдлан клубӧ; Галстука, гажӧн пыр тыр чужӧмбан; Восьлалад котырӧн — видзӧдныс любӧ! Водзвылын — тра-та-та! — яр барабан. Сьӧлӧмысь зілянныд миянкӧд мӧдны, Шусянныд — Ленинлӧн коймӧд отряд; Миянысь дырджык ті кутанныд тӧдны Классъястӧм общество — выль олан кад. Буржуй кӧ кыпӧдчас миянӧс чегны, Сюяс кӧ воддза моз ассьыс пеж ныр, — Социализм вӧсна тыш вылӧ петны Видзанныд воча кыв: «Дасьӧсь ми пыр!» Быдмы жӧ, велӧдчы, гӧрд дзоридз внукӧй! Петкӧдлы быдӧнлы медбур пример! Ёнмӧд да дӧзьӧрит квайтӧд му юкӧн, Код шусьӧ ыджыда — СССР!
Гижӧд
Внуклы — коми пионерлы
Жанр: 
Гижан кад: 

lkejrlkelkrgner klrjnelknfrkl ekjnrjkenfrej