ВОЙ ПОЛЮС МИЯН
«Май 21-ӧд лунӧ, 11ч.35 м., Сӧвет Союзса Герой Водопьянов ёрт зэв мичаа пуксьӧдіс самолёт «СССР Н-170» йи пласт вылӧ Вой полюс дорӧ»
Радиограммаысь.
Но, кыдзи нӧ гордосьт да нимкодь оз босьт, Кор миян странаным геройясӧн тыр, Бесстрашнӧя нуӧ природакӧд кось, И аслас победанас шензьӧдӧ мир! Эз этша морт нэм человечество лот Вой полюс штурмуйтіг, но... весь суета! Сӧветскӧй Герой Водопьянов-пилот Збыль олӧмӧ пӧртіс нэмчӧжся мечта. Шыв пуксис сӧветскӧй воздушнӧй карабӧн Вой полюсӧ, тӧдтӧм йи пласт вылӧ дзик. И, збыльысь ӧд, сэтшӧм ён крепосьтыс абу, Мед эськӧ вот сійӧс эз босьт большевик. Кор Пири, сюрс ӧкмыссё ӧкмысӧд воын, Вой полюсӧдз воліс да оліс час-мӧд, Сэк жугыля шуис: мый пӧльзаыс лоӧ?.. Дзик ӧтитор кӧсъя ме — узьыштны мед... А кор дирижабль вылын лэбліс Нобиле И шуньгыліс буретш Вой полюс чут весьт, Сэк пернапас чӧвтӧмӧн шыбитіс зіля Му гӧг вылӧ сынӧдсянь зэв ыджыд крест... Кор звермӧм фашистъяслӧн сьӧд самолётъяс Испания му вылӧ кӧдзӧны смерть, Сэк мирнӧя миян сӧветскӧй пилотъяс Яр бордъясӧн ӧвтӧны вой полюс берд. Сӧветскӧй орёлъяслӧн ёнӧсь сталь бордъяс И славнӧй геройясӧс нинӧм оз вен; Вой полюс штурмуйтӧм кӧть содтіс рекордъяс, Но могыс — научнӧй удж нуӧдны сэн. Да, збыльысь, гордитчыны эм миян право, И нимкодьлӧн чувствоыс пытшкад оз тӧр! Полярнӧй геройяслы чесьт да бур слава! — Ті босьтінныд Арктика сьӧлӧмлысь шӧр!
Гижӧд
Вой полюс миян
Жанр: 
Гижан кад: 

lkejrlkelkrgner klrjnelknfrkl ekjnrjkenfrej