* * *
Вояс кывтӧны тӧв ньылыд и тӧв паныд, Вояс вайӧны и нуӧны быдтор... Олӧм йылысь, ёртӧй, сёрни панам, Мый нӧ кӧть и кадыс ӧні сёр. Со тай, вой, — а сёльгӧ визув юыс, Со тай, вой, — а шӧпкӧдчӧ том вӧр. Мортлӧн лышкыдлунӧн озыр муыс, Мортлӧн бурлы эскӧ парма шӧр. Олӧ морт, а коркӧ-й сэсся шуас: «Тэ вай прӧщайт, татчӧс вӧльнӧй свет!» Сӧмын нэм оз вунӧд сійӧс муыс, Вӧчлӧмторйыс вунӧдны оз сет. Олӧм, олӧм, — медся ыджыд козин, Некор помасьлытӧм сьыланкыв. Сылы паныд сувтны ӧмӧй позьӧ, Кӧть оз быдӧн сылысь ӧдсӧ кыв? Нимкодясьӧ мулӧн паськыд баныс, Кор сы весьтын лыбӧ выльлӧн гор. Вояс кывтӧны тӧв ньылыд и тӧв паныд, Но ми тӧдам: мувыв гаж оз ор.
Гижӧд
Вояс кывтӧны тӧв ньылыд и тӧв паныд...
Жанр: 

lkejrlkelkrgner klrjnelknfrkl ekjnrjkenfrej