* * *
Гы бӧрся гы, гы бӧрся гы Да каляяслӧн горзӧмыс, Да мудзтӧм тӧвлӧн лэчыд шы, Да кыа билӧн ворсӧмыс, Да чери кыйысьяслӧн стан, Да пожӧм лаплӧн шенасьӧм — Дзик ставыс меным муса тан. А муслун кодкӧ венас-ӧ? И ловлы сэтшӧм шоныд сэк, Кор чери кыйысь нюмъялӧ. Ӧд сійӧ сьӧмъя эзысь век Печора юысь гумлалӧ. «Эк, шуас, мича лоас лун! Эк, ёртъяс, юсӧ сывъялам! Мед пыдӧ шондіыс оз сун, Вай шондісӧ тшӧтш тывъялам!» И бара шызьӧма ю выв, Пыж боксӧ ваыс мыськӧ нин. Бригада лэдзӧ тыртӧм тыв, Мед тырӧн сійӧс кыскыны.
Гижӧд
Гы бӧрся гы, гы бӧрся гы

lkejrlkelkrgner klrjnelknfrkl ekjnrjkenfrej