Коми пословицы и поговорки. О работящих и ленивых
Кок чунь улысь би вартӧ. Из-под пальцев ног огонь высекает.
Быд удж муысь петӧ. Любая работа с землей связана, на земле происходит.
Сямлуныс кыйсьысьлӧн ноп сертиыс тыдалӧ. Опытность охотника видна по его котомке.
Коді нянь уджалӧ, сылӧн нэм нюжалӧ. Кто занимается хлебопашеством, тот дольше живет.
Зіля уджалӧмтӧ лӧсьыд и видзӧдны. На усердную работу и смотреть приятно.
Зіль морт уджысь некор оз пӧтлы. Работящему человеку работа никогда не надоедает.
Доддьысь да кӧшӧ. С возу да прямо в ковш, т. е. немедля в дело.
Зіль вӧвлы зӧр, дыш вӧвлы ньӧр. Бойкой лошади — овес, ленивой — погонялка.
Китуйтӧг эн уджав, бордтӧг эн лэбав. Не умеешь, не берись, без крыльев не летай.
Бура кӧ уджалан, ылӧдз и нималан. Хорошая работа далеко прославит.
Вӧліны мед кияс, а уджыд, майбыр, сюрас. Были бы руки, а работа найдется.
Зіль мортлы низьыд-мойыд керка пельӧсӧдыс кайӧ. Работящему человеку бобры-соболи сами в дом идут. На ловца и зверь бежит.
Мортыд уджын мортъяммӧ, мортӧс удж мичмӧдӧ. Человек становится человеком на работе, человека работа красит.
Этшаджык серав да унджык вӧч. Меньше смейся, больше трудись.
Кутшӧма уджалан, сэтшӧма и босьтан. Как поработаешь, так и получишь.
Коктӧ кӧ кӧтӧдан, и чуньтӧ нюлыштан. Ноги промочишь, и пальцы оближешь.
Сьӧкыдторсӧ аддзывтӧг кокнисӧ он тӧдмав. Не испытав трудностей, радости не познаешь.
Сьӧкыда уджалан чӧскыда сёян. Крепче поработаешь — вкусно (с аппетитом) поешь.
Медась эн тэрмась, уджав эн дышӧдчы. При найме не спеши, а на работе не ленись.
Гажтӧм кӧ уджӧ кутчысь. Если скучно — берись за работу.
Сьылігтырйи удж мунӧджык. С песней работа спорится.
Эн тэрмась кывнад, а тэрмась уджнад. Не торопись языком, торопись делом.
Урыд лазъяд ачыс оз пыр. Белка сама в лузан не полезет.
Сёйӧмысь эн яндысь, уджысь эн дӧзмы. За столом не стесняйся, а работы не чурайся.
Бурысь-бур чужӧ да рӧдмӧ. От добра добро рождается и множится.
Горт гӧгӧр уджавны не лым уявны. Работать по дому — не по снегу бродить (имеются в виду зимние работы в лесу — охота и рубка леса).
Кор кык китӧ морӧс вылад пуктан, сэки рӧбӧтаыд эштас. С делами только тогда и справишься, когда в могилу сойдешь.
Радейтан уджысь он мудз. От любимой работы не устанешь.
Уджтӧгыд и чаг он бергӧд. Без труда и щепки не перевернешь.
Трудӧвӧй кӧпейкаыд дарӧвӧй рубысь донаджык. Трудовая копейка дороже дарового рубля.
Трудыд ваӧ оз вӧй. Труд в воде не утонет. Труд без следов не пропадет.
Сьӧлӧмыд кӧ ыджыд, быд удж ичӧт. Если сердце большое, всякая работа маленькая. Если человек уверен в успехе, любая работа для него посильна.
Кокни уджыд коскад оз сюй. От легкой работы не надорвешься. От легкой работы поясница (или: горб, или: плечи) не надсадятся.
Кынӧмтӧ тувйӧ он ӧшӧд, пиньтӧ джаджйӧ он пукты. Желудок на гвоздь не повесишь, зубы на полку не положишь.
Синмыд полӧ, а киыд вӧчас да он и тӧдлы. Глаза страшатся, а руки сделают и не заметишь.
Деньгаыд тӧв ни гожӧм оз быдмы, абу кӧ нажӧвитысьыд. Деньги ни зимой, ни летом не растут, если нет добытчика.
Ӧтпырйӧ кык удж оз вӧчны. Два дела одновременно не делают.
Водз чеччӧмысь каета оз босьт, дыр кӧмасьӧмысь каета босьтӧ. Рано вставать — не каяться, а долго обуваться — придется раскаяться.
Зіль мортыдлӧн кок пыдӧсыс век пым. У работящего человека ступня всегда горячая.
Омӧль уджтӧ некытчӧ он дзеб. Плохую работу никуда не спрячешь.
Уджтӧгыд нинӧм оз шед. Без работы ничего не добыть.
Кын сьӧлӧмнад и уджыд кын. С холодным сердцем и работается холодно.
Коді уджтӧг олӧ-вылӧ, мед сійӧ оз сёй. Кто без работы прозябает, пусть тот не ест.
Он кӧ уджав, и шойччӧг оз ков. Не работаешь, так и отдых не нужен.
Мортыд удж вылад абу гӧсьт. Человек на работе не гость.
Мудз мортыд тай узигад кулӧма кодь. Уставший человек спит как мертвый.
Ӧтка пулятӧг ылі вӧрад эн мун. В дальний лес без жекана не ходи.
Уджалан киыд чорыд. Рабочая рука жесткая.
Уджалігад тэджык, а сёйигад меджык (шуӧ дыш мортыд). На работе ты больше нажимай, а в еде я поднажму (говорит лентяй).
Удж вылын эн жугӧдчы, сёйигӧн эн удзӧдчы. На работе не надрывайся, в еде не отставай (шутл.).
Панясигад удзӧдӧ, уджалігад видзӧдӧ. За обедом объедает, на работе зевает.
Вӧчтӧдз войдӧр юась да кывзы бур йӧзыслысь. Прежде чем сделать, советуйся с добрыми людьми и прислушивайся к их мнению.
Нянь куд дорад отсасьӧны нин. У хлебницы они уже помощники. = Один с сошкой, а семеро с ложкой.
Мастерыд тӧдчӧ удж сертиыс. По работе познается мастер.
Тайӧ ӧд абу мыр бертны либӧ ва кыпӧдлыны. Это не пни корчевать или воду доставать.
Тайӧ вӧд абу из сёртны. Эта работа не камень тесать.
Тайӧ ӧд абу керка пельӧс тшупны. Это не угол дома рубить.
Тайӧ ӧд абу нарт кыскавны. Эта работа — не нарты тащить.
Кыз уджысь он тшӧг. На черной работе не разжиреть.
Удж серти и дон босьтан. По работе и плату получишь.
Кокниа нажӧвитан, ӧдйӧ и прӧжӧвитан. Легко заработаешь, быстро и проживаешь.
Йӧз уджыд оз помась некор. Работа на людей никогда не кончится.
Шыръяскӧд кӧ он печкы, кайяскӧд печкан (тӧлын кӧ он уджав, тулысын ковмас суӧдны). С мышами не напрядешь, с птицами допрядешь (зимой не напрядешь, весной придется наверстывать).
Чери кыйысь пестерсӧ ӧдва кыскӧ, а век: «эз шед, эз шед»; или: чери кыйысьлы век «оз шед». Рыбак еле тащит пестерь, а все говорит: «не попалось, не попалось»; или: рыбаку всегда «не ловится».
Кыян-виян кӧ, и юан-сёян. Напромышляешь, так наешься-напьешься.
Удж серти дон, а чин серти жалӧванньӧ. По работе плата, а по чину жалованье.
Водз ытшкӧм туруннад йӧлыд содӧ. На сене раннего укоса удой увеличивается.
Кӧн уна сёрни, сэн этшаджык удж. Где много разговора, там меньше дела (работы).
Уджалысь морт некод вылӧ оз надейтчы. Трудолюбивый человек на людей не надеется.
Мый гудйыштан, сійӧ и кокыштан. Что копнешь, то и клюнешь.
Уджавтӧгыд нинӧм оз чӧсты, быдтор вомсьыд усьӧ. Без работы ничто не по вкусу, любая пища не лезет в рот.
Эн ошйысь, кор кыйсьыны каян, а ошйысь, кор прӧмыссӧ ваян. Не хвались, идучи на охоту, хвались, когда добычу принесешь.
Збой да ён йӧзыскӧд кӧть гӧра путкыльтан. С удалыми и сильными людьми хоть гору перевернешь.
Бур вӧлӧганад бурджыка и уджавсьӧ. На хорошей пище лучше работается.
Ветлас сертиыс и уджыс. По походке и работа.
Небыд турунтӧ кӧть зорйӧн ӧвт пӧрӧ. Мягкую траву коси хоть жердью, падает.
Кодыр сюыс лоӧ, сэки и мера лоас. Когда рожь будет, тогда и мера найдется.
Йӧра дінӧ кӧ мунан, гу да горт лӧсьӧд, а ош дінӧ кӧ мунан небыд вольпась лӧсьӧд. На лося идешь, готовь могилу и гроб, на медведя идешь, готовь мягкую постель.
Мый вылӧ петӧма, сійӧ и лоӧ уджавны. Чем занялся, то и делать придется.
Овмӧсыд ӧд ас помад. Уджалан кӧ, овмӧдчан. Достаток от себя зависит. Поработаешь — обзаведешься.
Ӧтчыд оз артмы, мӧдысь оз артмы, да коймӧдысьсӧ артмас. Раз не выйдет, второй раз не выйдет, третий раз получится.
Удж дінад ӧд сьӧлӧмыд шойччӧ, уджыд оз ылӧдлы. На работе сердце отдыхает, работа не обманет.
Уджач мортыд из улысь да ва улысь кыпӧдас. Работящий человек хоть со дня моря достанет.
Уджыд абу блин сёйӧм. Работать — не блины есть.
Водз чеччӧмысь да водз гӧтрасьӧмысь оз каитчыны. За раннее вставание и раннюю женитьбу не раскаиваются.
Он кӧ уджав, регыд на-й кыстӧ нюжӧдан. Без работы скоро протянешь ноги.
Ныж косанад беддьӧн ытшкӧм кодь. Тупой косой косить — все равно что палкой.
Ас пӧсьӧн перйӧм няньыд медся чӧскыд. Хлеб, заработанный своим потом, самый вкусный.
Уджыд, другӧ, быд мортӧс веськӧдас. Работа, братец, каждого человека исправит.
Пӧсьтӧ кӧ петкӧдан сёян-юан, он кӧ петкӧд, он и сёй. Пот прольешь — поешь-попьешь, не прольешь — не поешь совсем.
Омӧль уджысь гӧн паныд шыльӧдлӧны. За плохую работу против шерсти гладят.
Уджав том дырйи, пӧрысьман сёрман. Работай в молодости, состаришься — поздно будет.
Уджалан кияссьыд нинӧмла яндысьны. Рабочих рук нечего стыдиться.
Кутшӧма кӧдзан, сэтшӧма и вундан; кутшӧма вундан, сэтшӧма и сёян. Как посеешь, так и пожнёшь; как пожнёшь, так и поешь.
Кодсӧкӧ ӧтиӧс вӧчны попас либӧ дякас. Что-либо одно — или попом, или дьяком быть.
Мудзӧм бӧрад и пиня тув вылын узьсяс. От устали и на бороне спится.
Киа ки помысь артмӧ быдтор. В искусных руках все получается.
Земля-матиӧс шонді баситӧ, а мортӧс уджыс краситӧ. Землю-матушку солнце украшает, а человека работа украшает.
Нылӧй, сьыв-сьыв, но эн вунӧд и кыны тыв. Пой, девица, пой, но не забывай, что сеть вяжешь.
Эз на сортовка помысь нажӧвит. Это не на заготовке сортового леса (не у лесопромышленника) заработано (о легком заработке или нажитом не своим трудом).
Дыш морт мудзтӧ оз тӧд. Лентяй усталости не знает.
Кужан йӧктыны куж и уджавны. Умеешь плясать — умей и работать.
Тӧв йылысь локтіс, тӧв йылӧ и муніс. Легко досталось, легко и ушло (букв.: с ветра пришло, на ветер и пошло).
Дышыд век дыш лоӧ, век дась нянь вылӧ кутас надейтчыны. Ленивый всегда ленивым будет, все будет надеяться на готовый хлеб.
Ми водз чеччывлам: кымӧра кӧ, шонді петтӧдз. Мы рано встаем: если облачно, до восхода солнца.
Удж вылын лябсьӧ, да гӧлӧснас босьтӧ. На работе ноет (жалуется на недомогание), но голосом берет.
Водз чеччӧ да этша печкӧ. Рано встает да мало прядет.
Дыш мортлӧн пыр аски да аскомысь. У ленивого всегда завтра и послезавтра.
Дыш йӧзыдлы быд лун выкӧднӧй. Для лентяев каждый день — выходной.
Коді дыш, сійӧ быттьӧ шыш, пыр стрӧка кыйӧдӧ, уджысь ылӧдчӧ. Ленивый будто беглый, все норовит, как бы с работы увильнуть.
Коді дыш, сылы «дышсӧ» шуны дыш. Ленивому и «лень» сказать лень.
Дышлысь мусӧ тури куйӧдалӧ. Пашню лентяя удобряет журавль.
Дышыд и гожӧмын оз гожъяв. Лентяй и летом не загорает.
Гатш куйлӧмӧн кынӧмыд оз пӧт. Лежа на спине сыт не будешь.
Коді трудитчӧ, сійӧ пыр пӧт, код пач вылын кынӧмсӧ шонтӧ, сылӧн пыр кынӧмыс тшыгъялӧ. Кто трудится, тот всегда сыт, кто на печи живот греет, тот всегда голодает.
Дышлуннад олӧмыд (овмӧсыд) оз нӧгыльмы. Ленивым быть — хозяйству не быть густым (букв.: не загустеет).
Дыр кӧ узьны кутан, кувтӧдзыд водзӧса лоан йӧзлы. Долго будешь спать, до самой смерти будешь в долгу перед людьми.
Надзӧнджык кӧ вӧран, кӧдзалас пачыд. Будешь копошиться, так печь остынет.
Дыр узигад йӧв-выйыд оз сод. Долго спать — в хозяйстве молока и масла не прибавится.
Кокниа олысьыдлы коскас оз сюй. Кому легко живется, тот поясницы не надсадит.
Дыш вӧвлӧн сийӧсыс пыр дойдӧ. Для ленивой лошади хомут всегда не впору (причиняет боль).
Сийӧсыс талы некутшӧм уджын оз лӧсяв. На любой работе ему хомут холку трет (букв.: хомут не подходит).
Он кӧ уджав, ош моз певтӧ лоӧ нёнявны. Если не поработаешь, то, как медведю, придется сосать большой палец.
Дыша кӧ он ов, лоас нянь и сов. Если не будешь лениться, будет хлеб и соль.
Ньӧжйӧ керӧмысь ньӧжмыдӧн шуасны, а дышӧн оз шуны. От медленной работы медлительным прослывешь, но не ленивым.
Ньӧж помӧ воан, а дыш помӧ он во. Медлительность — туда-сюда (куда ни шло), а леность — больше некуда. Медлительный, возможно, когда-нибудь конец работы увидит (результат увидит), ленивый никогда.
Дышлы эн сетчы. Лени не поддавайся.
Плешкыс югъялӧ, а уджавны дыш. Лоб блестит, а работать лень.
Пельпомыс аршын пасьта, а уджавны дыш. Плечи с аршин шириной, а работать лень.
Уджсьыд ошкысь моз оз пов: удж дорад водас да кӧть лунтыр узяс (дыш морт йылысь). Работы, как медведя, не боится: у работы ляжет и проспит весь день (о лентяе).
Вит мында сёйӧ, а ӧти мында уджалӧ. Ест за пятерых, а работает за одного.
Сёйны ад кодь, уджавны вегыль гаг кодь. Есть — прорва, а на работе червяк.
Сёйны горш, а уджавны абу чож. В еде торопится, на работу не спешит.
Весь олігад мортыд тшыкӧ. От безделья человек портится.
Уджтӧ кӧ он радейт, пинь кежсьыд олан. Будешь чураться работы, положи зубы на полку.
Дышлы пыр кык мыш. Лентяю всегда и во всем неудача.
Ошйысьӧмнад костӧ он мудзты. Бахвальством поясницу не изнурить.
Дарӧвӧйнад дыр он ов. На дармовщине долго не проживешь.
Мый вугралан, войнас ӧмӧй тоин сюмӧдалін? Что дремлешь, а чем ночью занимался? (бука.: ночью бересту на пест навивал?).
Мый вугралан, войнас ӧмӧй понъяскӧд увтін? Что дремлешь, разве ночью вместе с собаками лаял?
Кокни сӧмын сылы, коді нинӧм оз вӧч. Легко только тому, кто ничего не делает.
Эн лэптысь кывнад, лэптысь уджнад. Не возвышайся словом, а возвышайся трудом.
Ен нимнад рушкуыд оз пӧт. Божьим именем сыт не будешь.
Тӧлктӧгыд уджалігад гӧрбад сюйӧ. Бестолковой работой спину надсадишь.
Дышад кӧ лэччан, дышыд сёяс. Поддашься лени, лень погубит (букв.: съест).
Юрыд кӧ оз уджав, кокыдлы сьӧкыд. Если голова не работает, ногам тяжело. = Дурная голова ногам покоя не дает.
Кыв бертӧмнад кынӧмыд оз пӧт. Болтовней сыт не будешь.
Узьӧмыд абу на додь кыскалӧм. Спать — не воз таскать.
Сёйнытӧ ӧд абу рыныш вартны. Есть — не овин хлеба обмолотить.
Дышлы виж ньӧр. Ленивцу — зеленая погонялка (т. е. свежая хворостинка).
Коді удж оз радейт, асьсӧ оз радейт. Кто работы не любит, не любит и самого себя.
Дыш Иванлӧн быд лун Иван лун. У ленивого Ивана каждый день Иванов день.
Дыш мортлы унмыд пыр кома (оз тырмы). Ленивый всегда спит, а говорит, что спит только случаем (когда удастся, улучив момент).
Дыша олысь быд уджысь полысь. Лентяй всякой работы боится.
Дыш мортӧс удж вылад сира гезйӧн он кыскы. Лентяя и смоленой веревкой не притащишь на работу.
Дыш висьӧм медся омӧль висьӧм. Нет болезни страшнее лени.
Сёйигӧн ён, а удж вылӧ висьӧ. За едой здоров, а на работу — болен.
Сёйнытӧ боярин, а удж вылад детина. За столом — боярин, а на работе — мальчик.
Паччӧр вылад мустӧ оз зырт. На печи не надсадишься.
Дыш киын некутшӧм удж оз ӧшйы. Из рук лентяя любая работа валится.
Гӧж ки вылӧ нинӧм оз ӧшйы. В непутевых руках ничего не удержится.
Паччӧртӧ пӧжигад кынӧмыд оз пӧт. Лежа на печи (букв.: высиживая печь) сыт не будешь.
Паччӧрад куйлігӧн гӧгйыд оз вӧрзьывлы. Лежа на печи пупа не надсадишь.
Уджалан кӧ лоас, он кӧ уджав важыс бырӧ. Поработаешь — будет, не поработаешь — старое кончится.
«Кыдзкӧ» да «мыйкӧ»-сьыд потшӧстӧ он потш. От «как-нибудь» да «что-нибудь» изгороди не поставишь.
Коссӧ оз берт, спинасӧ оз жугӧд. Поясницу не гнет, спину не ломит.
Ен да чӧрт отсӧгнад ылӧ он мун. С помощью бога и черта далеко не уедешь.
Сийӧсасян кӧ ӧд, и ковмас кыскыны вӧв моз. Наденешь хомут, так и придется тащить как лошади.
Зорӧдтӧ пӧ час аски потша, аски бӧрын бара аски, сэсь аскомысь турунсӧ мӧсъяс нин сёйӧмаӧсь. Завтра-де стог огорожу, затем опять завтра, а на послезавтра сено коровы съели.
Прӧстӧтӧ олігӧн ӧти луныс кык. Когда ничего не делаешь, день кажется за два.
Небесасянь нинӧм оз гылав вомад. С неба в рот ничего не посыплется.
Пусьыд таркнитӧмнад деньгаыд оз киссьы. От удара с дерева деньги не посыплются.
Пӧтӧлӧксьыд оз гылав уджавтӧгыд нинӧм. Без труда с потолка ничего не посыплется.
Кокни уджысь некод оз пышйы. От легкой работы никто не бежит.
Дыш морткӧд (мужиккӧд) овны свет вылын сьӧкыд. С ленивым человеком (мужем) жить на свете трудно.
Ракаяс тай нӧ оз кӧдзны, оз вундыны, а пӧтӧсь. Вороны не сеют, не жнут, а сыты.
Кӧдзиг-гӧригӧн рака горзӧ: «Делӧ ни мог! Делӧ ни мог!», а вундӧм бӧрын: «Шӧри! Шӧри При пахоте и севе ворона кричит: «Мне нет дела! Мне нет дела!», а после жатвы: «Пополам! Пополам!»
Уджтӧгыд и чаг оз чукты. Без труда и щепка не отщепится.
Ӧбед да ужын кокни тайӧ уджыд. Знать лишь обед да ужин — нетрудная это работа,
Водзджык кӧ чеччан, кос чышкӧдӧн чышкысян, сёрджык чеччан ва чышкӧдӧн чышкысян. Если раньше встанешь, сухим полотенцем утрешься, позже встанешь — мокрым полотенцем утрешься.
Вежнясьнытӧ быдӧн кужасны, колӧ кужны уджавны. Кривляться каждый умеет, надо уметь работать,
Уджыд ачыс оз керсьы ни вӧчсьы. Работа сама не делается.
Кыв бертӧмнад мыр он берт. Болтовней (языком) пня не выкорчуешь.
Сёрни вылӧ ёсь, а уджтӧ сылысь он босьт. На словах боек, а работы от него не увидишь.
Ва вомалӧн уджыс шома. У непутевого и работа непутевая.
Сёрнитны сяммӧ, а уджалігӧн раммӧ. Говорить может, только работать не может.
Больгӧмсьыд нянь шомыд оз сукмы. От болтовни квашня не будет гуще.
Водз чеччӧ, да дыр кӧмасьӧ. Рано будто встает, но долго обувается.
Дышыд ассьыс водзджык чужлӧма. Лень раньше тебя самого родилась.
Дыш, да горш да зэв запаслив. Ленив, да жаден и очень любит запасаться.
Ӧти уджалӧ, а сизимӧн нянь куд видзӧны. Один работает, а семеро лукошко с хлебом охраняют. = Один с сошкой, а семеро с ложкой.
Дыш мортлӧн узьӧмыс и олӧмыс. Для лентяя сон и есть жизнь.
Чер кӧ дыр куйлӧ лабич улын, сэк сійӧ сімӧ. Если топор долго лежит под лавкой, он ржавеет.
Дозмӧр быдлаӧ лэбалӧ да век лыс кокалӧ. Тетерев повсюду летает и везде хвою клюет.
Дозмӧр кӧть кытчӧ мунӧ, век лыс кокалӧ, дыш морт кӧть кытчӧ мунӧ, век тшыг. Тетерев хоть куда полетит, везде хвою клюёт, а лентяй хоть куда пойдет, везде голодный.
автор фото: Роман Имполитов
X
О КОМИ ЯЗЫКЕ
ПРОИЗНОШЕНИЕ
СЛОВАРНЫЙ СОСТАВ
ГРАММАТИКА
РАЗГОВОРНИК
ТЕКСТЫ
КУРСЫ
ИЗ ОПЫТА УЧИТЕЛЕЙ
ПОЛЕЗНЫЕ ССЫЛКИ
КОНТАКТЫ
РАЗРАБОТЧИКИ