Кывйыс да делӧыс лэбын моз вожалӧ.	Слова и дела, как у вилы зубья, расходятся.
Кывъяснад ӧтарӧ-мӧдарӧ, а делӧ вылӧ некытчӧ.	Словами туда и сюда, а на деле никуда.
Кыв вылын сідз да тадз, а делӧ вылын некыдз.	На словах и так и эдак, на деле же никак.
Эн ошйысь, кор кыйсьыны каян, а ошйысь, кор прӧмыссӧ ваян.	Не хвались, идучи на охоту, а хвались, когда добычу принесешь.
Ышнясьӧмнад ылӧ он во.	Хвастовством (бахвальством) далеко не уедешь.
Лыйтӧм урӧс эн куль.	С неубитой белки шкуру не снимай.
Кабала борднад эн лэбав — усян.	На бумажных крыльях не летай — упадешь.
Эн шутьляв, кытчӧдз вӧрысь эн пет.	Не свисти, пока не вышел из лесу. = Не говори гоп, пока не перепрыгнешь.
Эн уна кӧсйы, этшаыс оз ло.	Много не сули, малости не будет.
Эн куражитчы: мам йӧлыд на вом дорад.	Не очень куражься: материнское молоко еще на губах.
Ва вылӧ шомӧн гижӧ.	Углем на воде пишет. Хвастает, бахвалится, врет.
Вомыс сизим ыж куысь вурӧма.	Рот его сшит из семи овчин (о болтливом).
Ошйысигад коскыд оз мудз.	Хвастовством поясницы не натрудишь.
Ошйысьӧмыд абу ытшкӧм, мышкад оз сюй.	Хвастать — не косить, поясницы не натрудишь.
Водзвыв оштӧ эн куль, кый да вӧлисти.	Не снимай заранее шкуру медведя, сначала убей его.
Медвылыс увйӧ эн кай (эн ошйысь).	На самый верхний сук не взбирайся (не хвастай).
Енъюгыдтӧ вевттян эськӧ да, он вермы-а.	Если б смог, то закрыл бы и солнце, только это тебе не по силам.
Эн вылӧ пуксьы, ӧти нянь шомӧсысь няньтӧ сёям; либӧ: Эн пуксьы вылӧ, ӧти трубаысь ватӧ юам.	Не садись высоко (не важничай), из одной квашни хлеб едим; или: Не важничай, из одного колодца воду пьем.
Тшап мортлысь нырсӧ потшкӧн-майӧгӧн он судз.	До носа гордеца жердью не дотянешься.
Шомтӧг эн ловзьы, шом моз эн лыб.	Без закваски не броди, подобно углю не всплывай (не будь легкомысленным).
Вылӧ чеччалан, да тшӧтш на гуад усян.	Возносишься без меры, но в могиле же будешь.
Ылӧ лыйлӧ, да матӧ инмӧ.	Далеко кидает, да близко попадает.
Ёна горзан, да матӧ кылӧ.	Громко кричишь, да близко слышно.
Выліті лэбалан, да улӧ пуксян.	Высоко летаешь, да низко сядешь.
Бордтӧгыд эн лэбав.	Без крыльев не летай (не хвастайся).
Йӧз вылӧ эн серав, ас вылад усьӧ.	Над людьми не смейся, на себя обернется.
Вылӧ кӧ кайин, вылісянь и усин.	Высоко поднялся, упал и разбился.
Эн дивит йӧзӧс, ачыд дивӧсьыс дивӧ.	Не осуждай других, сам чудной из чудных.
Чӧв олӧмыс донаджык ковтӧм больгӧм дорысь.	Молчание дороже ненужной болтовни.
Больгӧмысь нянь шомӧсыд оз сукмы.	От болтовни квашня гуще не будет.
Этшаджык сёрнит, да унджык вӧч.	Меньше говори, а больше делай.
Быдтор зептӧ оз шогмы пуктыны.	Не все можно в карман положить. = Не всяко лыко в строку.
Больгӧмнад ылӧ он мун.	На болтовне далеко не уедешь.
Сёрниӧн ылалан — ылӧ кылалан.	Увлечешься разговором — далеко уплывешь.
Тыртӧм бӧчка гораджыка кылӧ.	Пустая бочка пуще гремит.
Кыза звӧнитӧны да вӧсниа вердӧны.	«Толсто» звонят да тонко кормят. Звону много, а толку мало.
Кывнад изӧмысь пызьыд оз артмы.	Сколько ни мели языком, муки не будет.
Кӧч эськӧ и тэрыб, да грӧш доныс.	Заяц быстр да цена ему грош,
Кузь кыла мортлӧн вом дорас пыр гут гильӧдчӧ.	Болтливому человеку мухи щекочут губы.
Коз (или: кос) пу йылысь тури висьтавны.	Рассказать о журавле на вершине ели (или: сухого дерева). = Наплести небылиц. = Развести турусы на колесах.
Тӧв пожйӧн пожнасьны.	Разносить пустые вести (букв.: просеивать ветряным решетом).
Такӧд ӧти лабичӧ оз позь пуксьыны.	С этим человеком нельзя садиться на одну скамейку,
Мый косӧныс гындан?	Зачем в сухом виде валяешь? (букв.) = Пустая мельница без ветру мелет.
Мый сылы тэрмасьнысӧ, сійӧс ва оз кылӧд.	Что ему спешить, его водой не сносит.
Кузь кывйыд — аслас кӧзяиныслы враг.	Длинный язык — враг своему хозяину.
Ӧтчыд пӧръялан, мӧдысь оз веритны.	Раз обманешь, другой раз не поверят.
Эн пӧръяв йӧзӧс, асьтӧ пӧръяласны.	Не обманывай других, самого обманут.
Сӧрӧмысь дон оз босьтлыны.	За вранье плату не берут.
Кора додь тыр сӧрны.	Наврать полные сани.
Мый синмас, сійӧ и вомас (вом кутӧдыс абу).	Что в глазах, то и на языке (о болтливом).
Мый вомсьыс петӧ, сійӧ и шӧтӧ; или: Мый вомсьыс петӧ — лэдзӧ.	Изрыгает брань, сквернословит без зазрения совести.
Коді уна сёрниа, ачыс ас йывсьыс абусӧ висьталӧ.	Болтливый и на себя наговорит.
Чушыд кӧ кыз, рушкуыд вӧсни.	Если губы надутые, то живот тонок.
Пон увтӧ, суседъяс кылӧны.	Собака лает, соседи слышат. = Собака лает, ветер носит.