Сюра мӧскыдлы да сюртӧм мӧскыдлы сьӧкыд люкасьны.	Комолой корове с рогатой трудно бодаться.
Шырлы канькӧд не венласьны.	Мышке с кошкой не бороться.
Медтӧм-донтӧм казак овлывлӧ, вердтӧм оз.	Работник без оплаты бывает, без пищи нет.
Поп-дякӧс вердӧмӧн нянь оз ло унджык.	От кормления духовенства хлеба не прибавится.
Мый тэ шпыннялан, поп ордын ӧмӧй ӧбедайтін?	Что ухмыляешься, у попа обедал, что ли?
Коді любитӧ попӧс, коді попаддяӧс, коді и поп нылӧс.	Кто любит попа, кто попадью, а кто и поповскую дочку.
Ме висьтала поп йылысь, а сійӧ пыр попаддя йылысь.	Я говорю о попе, а он твердит о попадье.
Поплӧн юрсиыс кузь, рясаыс кузь дай зептыс кузь.	У попа волосы долгие, ряса долгая и карман долгий.
Поплысь мешӧксӧ тыртны сьӧкыд.	Трудно наполнить поповский мешок.
Поп мында челядь лӧсьӧдӧмыд.	Детей наплодил, что у попа.
Ад горш да поп горш пӧтлытӧмӧсь.	Пасть ада и горло попа ненасытны.
Кысянь йӧзлы пакӧсьт, сэсянь и поплы усьӧ шуд.	Откуда людям горе, оттуда попу счастье.
Зептыд кӧ тыртӧм, и попыд тэд пельтӧм.	Карман пустой, и поп для тебя глухой.
Поплы кӧть кольта, кӧть сёрӧм, век на этша.	Попу хоть сноп, хоть скирда — все мало.
Поплӧн зептыс пыдӧстӧм.	У попа карманы без дна.
Мунан кӧ поп дінӧ, ноптӧ эн вунӧд.	Идешь к попу, не забывай котомку (прихватить с собой).
Поп зеп кодь нин кузь.	Долог, как карман у попа (о мешке, сумке и пр.).
Попыд не ас вок.	Поп не свой брат.
Абу жӧ тэнӧ пыртлӧмаӧсь; или: тэнӧ тыын пыртлӧмаӧсь.	Несомненно, ты не крещен, а крещен, так в озере.
Кутшӧм поп, сэтшӧм и попаддя.	Каков поп, такова и попадья.
Быд поплӧн аслас «паки».	У каждого попа свое «паки» (свой устав).
Став поплӧн ӧткодь уставыс.	Все попы одинаково поступают.
Петук да поп сёйтӧг сьылӧны.	Петух и поп поют без еды.
Кывнад райӧ катӧдан, а сой бордйӧд ад гуранӧ кыскан.	Языком в рай ведешь, а на деле, взяв под руку, в преисподнюю толкаешь.
Зӧлӧта куравны — йӧзлысь вир-ньылӧм пычкыны.	Золото загребать — людскую кровь и пот выжимать.
Попыд ловъялысь и кулӧмлысь кучиксӧ кульӧ.	Поп дерет шкуру и с живого и мертвого.
Кодлӧн сила, сылӧн и вӧля.	У кого сила, у того и воля (власть).
Ёнкӧд эн юксьы, ёнкӧд эн косясь.	С сильным не делись, с сильным не борись.
Коді кодӧс вермӧ, сійӧс и кусыньтӧ.	Кто кого может, тог того и гнетет.
Абу донӧн ньӧбӧма, абу ёна и жаль.	Не дорого куплено, не очень и жалко.
Дона тӧвар пукалӧ, а донтӧм ветлӧ.	Дорогой товар лежит, а дешевый расходится.
Ньӧбысь кӧ эм, и вузалысь петӧ.	Есть покупатель — и продавец найдется.
Ен кӧ оз гымышт, «свят-свят» он шу.	Пока гром не грянет, «свят-свят» не скажешь. Гром не грянет, мужик не перекрестится.
Ыджыд чинаыд ыджыдджыка и курыштӧ.	Человек с большим чином больше и загребает. Взятки берут по чину.
Телега любитӧ мавтас.	Телега любит смазку.
Шаньга пӧжалігӧн кыдз он уллюнйӧсьтчы.	Когда печешь шаньги, как не оскоромишься.
Мавтасыд быдӧнлы лӧсялӧ.	Смазка ко всему подходит. = Не подмажешь, не поедешь.
Дзуртӧ, мавтас корӧ.	Скрипит, смазки требует.
Юктасьтӧг старшинаӧ он во.	Без угощения водкой волостным старшиной не бывать.