* * *

— Талун урок вылын ми тіянкӧд велӧдчам серпасавны керка.
— Тамара Петровна, а позьӧ ассьым керкаӧс серпасавны?
— Дерт, позьӧ, Ивӧ! Тайӧ мӧвпыс зэв бур!
— Сідзкӧ, ме серпасала кильчӧ, пыран ӧдзӧс, тшын петан труба, нёль паськыд ӧшинь, посводз.
— А мӧд лунӧ ми велӧдчам серпасавны керка пытшкӧс. Ивӧ, мый эськӧ тэ сэк серпасалін?
— Ыджыд кухня, ассьым вежӧс, мам-батьлысь вежӧс, гӧстинӧй.
— Мый кухняад эм?
— Еджыд пач, тасьті-пань вылӧ уна шкап, кузь пызан, нёль улӧс, холодильник, мыссян доз.
— Бур. Аслад вежӧсад мый эм?
— Небыд крӧвать, кӧлуй шкап, пызан да улӧс.
— Гӧстинӧйӧ мый позьӧ серпасавны?
— Ыджыд телевизор, паськыд диван.
— Зэв бур. Челядь, заводитам серпасасьны.