***

Маша: Мамӧй уджалӧ велӧдысьӧн. Сійӧ велӧдӧ ичӧт класса челядьӧс. Батьӧй — вуджӧдчысь. Ыджыд вокӧй велӧдчӧ си­зимӧд классын. Сійӧ бура кужӧ артавны примеръяс да задачаяс, отсалӧ меным вӧчны гортса удж математикаысь.
Ира: Менам мам уджа­лӧ вурсьысьӧн, а бать — пинь бурдӧдысь. Ичӧт вокӧй велӧдчӧ коймӧд классын.
Коля: Менам батьӧй — йӧв заводын веськӧдлысь, мамӧй — школаса сёянінын пусьысь. Сійӧ кужӧ чӧскыда пӧ­жасьны. Чой-вокӧй ветлӧдлӧны садйӧ. Рытнас ме лыддя налы мойдъяс.
Артём: Менам мам уджалӧ вузасьысьӧн. Бать — кусӧд­чысь. Менам абу ни чой, ни вок. Ми олам ыджыд мамкӧд.

 

Коми кыв. 6 класс (2018)