ПЕТЫРЛӦН СЕМЬЯ

Тайӧ Петыр. Сійӧ зон, студент. Тайӧ Петырлӧн керкаыс. А тайӧ Петырлӧн ай-мамыс, чойясыс да вокыс. Петырлӧн эм кык чой да ӧти вок. Сылӧн чойясыс Даша да Аня, найӧ школаын велӧдчысьяс на. Петырлӧн эм тшӧтш Ваньӧ вок. Петырлӧн вокыс шопер. Ваньӧлӧн эм нин ас семъя: гӧтыр да ӧти кага. Кагаыс налӧн нывка, нимыс сылӧн Машӧ.
Петырлӧн да Ваньӧлӧн, Дашалӧн да Анялӧн эм ай-мам. Мамыслӧн нимыс Марья, вичыс Егоровна, сійӧ велӧдысь. Айыслӧн нимыс — Иван, вичыс сылӧн Ильич. Сійӧ веськӧдлысь, экономист. Найӧ гозъя: верӧс да гӧтыр. Петя, Ваня, Аня, Даша — Марья Егоровналӧн да Иван Ильичлӧн челядь. Овыс налӧн ӧти, найӧ Пуртовъяс.

 

Цыпанов Е. А. Видза олан, коми кыв! (2015)