***

Велӧдысь сетіс гортса удж: гижны «Менам ёрт» тема вылӧ сочиненньӧ. Коля дыр мӧвпаліс, код йылысь гижны. Владкӧд найӧ ветлӧдлӧны секция вылӧ, урокъяс бӧрын ворсӧны футбо­лысь. Иракӧд олӧны ӧти керкаын. Танякӧд пукалӧны ӧти пар­та сайын. Сергей тшӧкыда отсалӧ артавны задачаяс. Найӧ — бур ёртъяс.
— Ме гижа Валя йылысь! — мӧвпыштіс зонка. — Сійӧ не­важӧн на локтіс миян классӧ мӧд школаысь да эз на аддзы выль ёртъяссӧ.
Урокъяс бӧрын Коля бурджыка тӧдмасис Валякӧд. Нывка локтӧма Ыб сиктысь. Мамыс ӧні оз уджав, быдтӧ Валялысь ичӧтик Галя чойсӧ. Батьыс — шопер, новлӧдлӧ автобусӧн йӧзӧс. Урокъяс бӧрын Валя радейтӧ ворсны ичӧт чойыскӧд, отсалӧ мамыслы пелькӧдчыны да пусьыны. Прӧст кадӧ лыддьӧ пе­мӧсъяс йылысь небӧгъяс. Нӧшта Валя радейтӧ велӧдны коми кыв. Сылӧн бать-мамыс сёрнитӧны комиӧн.
Колялы зэв нимкодь, мый сылӧн лоис нӧшта ӧти ёрт.

Коми кыв. 6 класс (2018)