***

Нимӧй Оля. Ола сиктын. Миян керка сулалӧ сикт шӧрын. Сійӧ кык судтаа, мича да шоныд. Улыс судтаын сулалӧ ыджыд пач. Сэні пӧчӧ тшӧкыда пӧжалӧ чӧскыд пирӧг-шаньга. А тӧвся рытъясӧ ме радейта лыддьысьны паччӧрын.
Мӧд судтаын менам эм аслам жыр. Сэні ӧшинь дорын сулалӧ пызан, пызан дорас – улӧс. Тані ме вӧча гортса удж. Стен пӧлӧн сулалӧны диван да шкап. Пӧтӧлӧкын ӧшалӧ мича люстра, джоджын куйлӧ уна рӧма палас. Ӧшинь вылын быдмӧ сад.
Аслам вежӧсын пелькӧдча ачым: чышка бус, мыська джодж, киськала сад. Сэні век сӧстӧм да кыпыд.

 

Дружинина Т. Е. Самоучитель коми языка (2007)