***
Каникул дырйи ми шуим ветлыны «Югыд ва» национальнӧй паркӧ. Сійӧ Инта кар дорын. Шойччыны «Югыд ва» паркӧ бать-мам корисны тшӧтш Хельсинкиысь Мика Хараланенӧс.
Бать, мам, менам ичӧт вок да ме мунім Визингасянь Сыктывкарӧдз автобусӧн. Сыктывкар — Коми Республикалӧн юркар. Сійӧ зэв мича кар. Сыктывкарса вокзалын ми пуксим поездӧ да мунім Интаӧдз. Поездын бать лыддьысис, а ми мамкӧд да ичӧт воккӧд видзӧдім ӧшиньӧд. Кутшӧм мича войвывса вӧр-ваыс! Рытнас ми ворсім пызанвывса ворсӧмысь. Мӧд лун асывнас Интаын миянӧс виччысис машина. Рытнас нин ми вӧлім национальнӧй паркын.
Коми кыв. 6 класс (2018)
