***
Зоя сочинениеысь: «Гӧрд площадь — Москваын медся нималана ин. Гӧгӧр уна йӧз. Менӧ чуймӧдіс унатор: Василий Блаженнӧй соборлӧн мичлуныс, Спасскӧй башня вылын Кремлёвскӧй курантъяс. А кутшӧм джуджыдӧсь Кремльлӧн гӧрд стенъясыс — 17 метра! Площадь вылын сулалӧ «Иван Великӧй» кӧлӧкӧльня. Сійӧ зэв джуджыд. Кӧлӧкӧльнясӧ стрӧитлӧмаӧсь 1505-ӧд воӧ. Нималанторйӧн лоӧны тшӧтш ыджыд Цар-пушка да Цар-кӧлӧкӧл. Кӧлӧкӧлыслӧн сьӧктаыс 200 тонна. Рытнас ми ветлім Ыджыд театрӧ. Миян странаын тайӧ опера да балет петкӧдлан медся тӧдчана театр. Сійӧ ёна нималӧ оз сӧмын Россияын, но и мукӧд странаын. Кӧсъя нӧшта ветлыны Цветнӧй бульвар вылын Юрий Никулинлӧн циркӧ...»
Коми кыв. 6 класс (2018)
