***
Миша сочинениеысь: «Москваын уна нималантор, но медъёна меным кажитчисны музейяс. Ми бать-мамкӧд ветлім Третьяковскӧй галереяӧ. Видзӧдім ыджыд да мича серпасъяс. Государственнӧй историческӧй музейын ми тӧдмалім унатор Россиялӧн история йылысь. 39 залын 22 сюрс экспонат! Школа помалӧм бӧрын ме кӧсъя пырны велӧдчыны М. В. Ломоносов нима Москваса государственнӧй университетӧ. Тайӧ велӧдчаніныс — Россияса наукалӧн да культуралӧн шӧрин, медся важ да медся ыджыд университетъясысь ӧти. Нӧшта ми аддзылім Кристос Спаситель вичко. Ёна чуймӧдіс миянӧс сылӧн мичлуныс. Тайӧ вичкоыс мирын медджуджыд. Сулалӧ сійӧ Москва ю берегын. Кутшӧм сійӧ ыджыд да мича!..»
Коми кыв. 6 класс (2018)
