ВЛАДИМИР ВАСИЛЬЕВИЧ ТИМИН

Игӧ Васьӧ Володь (Владимир Васильевич Тимин) чужис 1937-ӧд вося сора 2-ӧд лунӧ Сыктывдін районса Гаръя сиктын. Велӧдчис ювыв техникумын, а сэсся Коми пединститутын. Уджаліс Коми небӧг лэдзанінын да «Войвыв кодзув» журналын шӧр редакторӧн.
В. В. Тимин — Коми Республикаса йӧзлы муса гижысь. Поэтлӧн петіс чужан мулӧн мичлун, коми сиктъяс, орччӧн олысь йӧз, муслун йылысь квайт гижӧд чукӧр. В. Тиминлысь «Мича Ёма» кывбур чукӧрсӧ вылӧ донъялісны, сетісны Кастрен котырлысь премия. «Эжва Перымса зонка» повесьт лоис челядьлы радейтана небӧгӧн. Тайӧ небӧгсьыс Владимир Тиминлы сетісны Коми Республикалысь канму премия. В. В. Тиминлысь кывбуръяссӧ вуджӧдӧма роч, украинаса, эст, мадьяр да мукӧд кывъяс вылӧ.

Коми кыв. 7 класс (2013)