БЕРБА ДЗОРИДЗ

Водз тулыс. Корсюрӧ пӧльыштлӧ небыдик мелі лун тӧв. Ясыд шонді лышкыда койӧ югӧръяссӧ. Зэв уна радлун сійӧ сетӧ йӧзыслы, став ловъяыслы. 
Заводитіс сывны. Ывлаыс выльысь ловзьӧ, югдӧ. Гажаджыка кутісны сьывны посни лэбачьяс: найӧ радлӧны локтысь тулыслы. 
Пуяс садьмисны. Исергаасисны пипуяс, ловпуяс. Берег дорын ловзисны бадь пуяс. Ӧні найӧ став пуяс пиысь медся мичаӧсь да тшапӧсь. Ичӧтик эзысь гаръяс муртса тӧдчыштӧны, а быд ув вожйӧ петӧмаӧсь вижовруд ёкмыльяс, быттьӧ сэтчӧ сатшкысьӧмаӧсь мазіяс. Ылысяньджык видзӧдан да, кажитчӧ, мый бадь пуяссӧ тупкӧмаӧсь еджыд дӧраӧн. Нинӧм он шу, мича. Тулысыд ӧд быдӧнлы праздник кодь.
(С. Раевский серти.)

Эзысь тӧлысь. 3 класс. 2. (1999)