— Видза оланныд!
— Бур асыв!
— Меным колӧ дой личӧдан лекарство. Со рецептыс.
— Прӧща кора, ӧні татшӧм лекарствоыс миян абу.
— Мый нӧ вӧчны? Меным сійӧ зэв ёна колӧ!
— Энӧ шогсьӧй! Ті верманныд ӧтуввезйын миян сайт вылысь судзӧдны тайӧ лекарствосӧ. Рытнас нин ваясны сійӧс тіянлы гортӧдзыд.
— Аттьӧ!
— Со босьтӧй миянлысь визитка. Сэні ставсӧ гижӧма, кыдзи бурдӧдантортӧ судзӧдны.
— А аптекасьыд кор сэсся позяс ньӧбны татшӧм лекарствосӧ?
— Миянӧдз сійӧ воас сӧмын аскомысь.
— Гӧгӧрвоана. Но аттьӧ. Котӧрта гортӧ.
— Нинӧмысь. Став бурсӧ!
— Аддзысьлытӧдз!