Том дырйиыд ӧд кокыд нуӧ-а, пӧрысь дырйиыд он нин котӧрт.	В молодости ноги несут, в старости уж не побежишь.
Пиня пӧраад жӧ мортыд морт-а.	Когда зубы целы, тогда и человек — человек.
Том дырйи олігӧн кыдз нӧ он дур?	Молодо-зелено, погулять велено.
Томлуныд пӧ абу Петыр лун, мӧдысь оз ло.	Молодость не Петров день, другой раз не придет.
Томӧн гажӧдчыны лӧсьыд, оз вись некыт.	Веселиться в молодости хорошо, нигде не болит.
Челядь дырйиыд и оландырйыс.	Детство — счастливое время,
Том вирыд ворсӧдчӧ.	Молодая кровь играет.
Киыд печкӧ, вомыд сьылӧ, кокыд йӧктӧ.	Руки прядут, рот поет, а ноги пляшут.
Пӧрысь, да вӧрысь, том, да дыш.	Стар, да подвижен, молод, да ленив.
Пӧрысь йӧзыд дюжӧсь.	Старики — народ выносливый.
Пӧрысьман дай челядьысь омӧль лоан.	Состаришься и станешь хуже ребенка.
Пӧрысь понйыд ройӧ оз увт.	Старая собака на древесный мох не залает. = Старый конь борозды не испортит.
Пыр кулысьыд сё во олӧ.	Кто все время хочет умереть, тот сто лет проживет.
Кор мортыд уджавныд верман, сэк жӧ эськӧ овныд да.	Человек живет полной жизнью тогда, когда он может работать.
Пӧрысьыдлы быдтор пеня.	Старому не угодишь, старому все не так.
Пӧрысь морт — ӧтарӧ мунан морт.	Старый человек как путник, идущий в одном направлении.
Пӧрысьӧс эн ӧбидит, ачыд пӧрысьман.	Старого не обижай, сам состаришься.
Он кӧ пӧрысьыдлысь кывзы, шӧрӧд кылалан.	Если не послушаешься старших, посередине уплывешь.
Важ йӧзлысь кывтӧ он вуштышт.	У древних людей (предков) слова меткие (букв.: не сотрешь).
Не кӧ олӧм воясыс, ме ӧмӧй эськӧ пӧрысь вӧлі?	Не будь прожитых годов, разве бы я постарел? (иронич.)
Пӧрысь вой-луныс ставнымӧс талялас.	Старости никто не минует.
Пӧрысьладорад паччӧрыд муса.	Под старость лежанка влечет к себе.
Пӧрысь мортыд сувтӧм вӧв кодь.	Старый человек, как заезженная лошадь (которая и без упряжи не может идти).
Чагйӧ кӧ крукасяс, пӧрӧ.	Если споткнется о щепку, упадет. = Еле-еле душа в теле.
Не кӧ кучикыс, лыыс нин киссис (пӧрысь зэв).	Если б не кожа, кости б уже рассыпались (о старых людях).
Важ йӧзлӧн ставыс кывйӧз.	У старых людей что ни слово — то поговорка.
Пӧрысь да ичӧт ӧткодьӧсь.	Старый да малый одинаковы.
Пӧрысьман да нинӧм нин оз томмӧд.	Состаришься и ничто уже не омолодит.
Пӧрысьладорыд орчча сиктыд ылыстчӧ.	Под старость соседняя деревня становится дальней.
Винёв пуыд дзуртӧ да олӧ.	Свилеватое дерево скрипит, но стоит.
Том йӧз дінад пӧрысь морт томмӧ.	Среди молодых и старый человек молодеет.
Косӧдіник мортыд оз и пӧрысьмы.	Худощавый человек не стареет.
Пӧрысь мортыдлӧн вытьыд ичӧт.	У старого человека аппетит мал.
Сійӧ ӧд важ вичкокӧд ӧттшӧтшъя.	Он ровесник старой церкви (год постройки которой и деды не помнят).
Эн кывзы пӧрысьлысь, кывзы бывалечлысь.	Не слушай старого, слушай бывалого.
Том кад муніс — эз прӧщайтчы, пӧрысьлун воис — эз юав.	Молодость прошла — не попрощалась, старость пришла — не спросилась.
Том мортыдлӧн тай регыд мудзыд бырӧ.	У молодого усталость проходит быстро.
Кытчӧдз пӧ он гӧтрась, пыр том.	Покуда не женишься, все молодой.
Комынӧн — вына, нелямынӧн — сяма, ветымынӧн — сідз-тадз, кӧкъямысдасӧн — ройӧ увтӧ.	В тридцать — силен, в сорок — умен, в пятьдесят — так-сяк, в восемьдесят — лает на лишайник.